Дженнифер Лопестің концертінде 400 ерікті қызмет көрсетеді

Алматыда әлемдік жұлдыз Дженнифер Лопестің концертіне дайындық қыза түсті. Іс-шарада қызмет көрсететін 400 ерікті соңғы әзірлік жұмыстарын пысықтап, тазалыққа шақыратын флешмоб ұйымдастырды. Концерт аяқталған соң еріктілер «Таза Қазақстан» экологиялық науқаны аясында стадионның іші-сыртын тазалайды. Одан бөлек алыс-жақын елдерден келген қала қонақтарына көмектеседі.

Әзиз Қажденбек, қалалық Жастар саясаты басқармасының басшысы:

Осы жерден таңдалған 400 еріктінің 300-і халықаралық іс-шараларға қатысқан. Қазіргі таңда біз өтінім қабылдағанда, Алматы қаласынан 6 мыңнан астам адам тіркелді. Соның 100-і шараның ішінде жұмыс істесе, қалған 300-і қонақтарды қарсы алып, навигация бойынша кеңес беруге, тазалықты сақтауға және тұрғындарға көмектесуге дайын.

Айдана Қуантхан