Инженерлік инфрақұрылымның 90%-дан астамы цифрландырылған

Қазақстанда инженерлік инфрақұрылымның 90 пайыздан астамы цифрландырылған. Өнеркәсіп және құрылыс министрлігінің мәліметінше, құрылысқа рұқсат беру үдерістері автоматтандырылып, үлестік құрылыс бойынша бірыңғай тізілім жасақталды. Ол eGov порталы арқылы қолжетімді болады. Сондай-ақ «тапсырыс берушінің бірыңғай терезесі» қағидатына негізделген цифрлық экожүйе әзірленіп жатыр. Жаңа жүйе құрылыс саласындағы әртүрлі ақпараттық ресурстарды біріктіреді. Ол egov.kz платформасымен толықтай интеграцияланып, қала құрылысын жоспарлаудан бастап, нысанды пайдалануға беруге дейінгі құрылыс үдерісін цифрлық түрде бақылауға мүмкіндік береді.

Темірлан Нұржанұлы