Елімізде қылмыс азайып келеді

Бүгін Мемлекет басшысы Ішкі істер министрін қабылдады. Ержан Сәденовтің дерегінше, биыл 7 айда қылмыс саны 9 мыңға азайды. Адам өлтіру, қарақшылық, денсаулыққа ауыр зиян келтіру, бұзақылық және тағы басқа негізгі қылмыс түрлерінің төмендеуі байқалады. Жыл басынан іздеуде жүрген 956 адам ұсталса, олардың 24-і шетелден Қазақстанға экстрадицияланды. Интернет алаяқтыққа қарсы іс-қимыл аясында 6 call-орталық жойылды, 67 миллион жалған қоңырау мен 3 мыңнан астам алаяқтық сайт бұғатталды. Қасым-Жомарт Тоқаев еліміздегі құқықтық тәртіп пен қоғамдық қауіпсіздікті одан әрі арттыруға қатысты бірқатар міндет жүктеді.

Оңғар Алпысбайұлы