Жаңалықтарды Telegram арнамыздан оқыңыз!Үкімет су шаруашылығын толық цифрландыру бойынша жұмыс жүргізуде. Бұл Мемлекет басшысының тапсырмасы. Мақсат – су шығынын азайту, алдыңғы қатарлы елдер қолданатын заманауи технологияларды меңгеру. Қазір су саласын цифрландыру бойынша шетелдік компанияларды елге шақыру жұмыстары жүріп жатыр. Олар отандық кәсіпкерлермен де бірлесіп жұмыс істейтін болады. Бұл туралы Үкіметте өткен баспасөз мәслихатында Премьер-Министрдің орынбасары Қанат Бозымбаев мәлімдеді. 2027 жылдың соңына қарай су үнемдеу технологияларын қолданатын жерлердің жалпы ауданын 912 мың гектарға дейін жеткізу жоспарлануда.
Қанат Бозымбаев, ҚР Премьер-Министрінің орынбасары:
Мемлекет басшысы қойған жыл сайын 150 мың гектарға дейін су үнемдеу технологияларымен қамту тапсырмасын іске асыру аясында фермерлерге қажетті жағдайлар жасалды. Диқандарды инфрақұрлым, су үнемдеу технологияларын сатып алуға және орнатуға жұмсаған шығындарын бюджеттен өтеу үлесі 50%-дан 80%-ға дейін ұлғайтылды.
Самал Қабышева
