Астанада Абайдың 180 жылдығына орай екі кітап жарыққа шықты

Астанада Абай Құнанбайұлының 180 жылдығына орай екі кітап жарыққа шықты. Туындының бірі «Абай жолы» романы жайында. Автор Ұлы ақынның туыстарына, эпопеядағы өзге де кейіпкерлердің өмірбаянына тоқталған. Сондай-ақ романдағы жер-су атауларынан бастап, салт-дәстүрге, сол замандағы киімге анықтама берген. «Абай жолы» және оның кейіпкерлері» деп аталатын бұл кітапты белгілі абайтанушы Алмахан Мұхаметқалиқызы жазған. Бүгін тағы бір туындының тұсауы кесілді. Авторы – ақын Орынбай Жанайдаров. «Абайдың өлеңдер жинағы» деп аталатын кітапта ойшылдың жүзден астам шығармасының орыс тіліндегі нұсқасы жарияланған.

Баянғали Әлімжанов, ақын:

Орынбай Жанайдаров – орыс тілінде жазатын ақын. Абайдың өлеңдері мен поэмаларын 20 жылдам астам уақыт аударған. Асықпай аударған және өзі айтады: Абайды аудару өте қиын, өзге тілде сөйлету тағы қиын. Абайдың өлеңдерін дәл жеткізу мақсатында аударғанын айтады.

Жанел Өтеулі