Оқушылар арасында буллинг 1,5 пайызға азайды

Елімізде оқушылар арасында буллинг 1,5 пайызға азайған. «Заң және тәртіп» жобасы аясында жүргізілген сауалнама нәтижесі осыны көрсеткен. Оған 9 өңірден 50-ден аса мектеп, 70 мыңға жуық оқушы қатысқан. Мұндай зерттеулер жас буынның құқығын білуге, заң жүзіндегі білімін жүйелеуге көмектеседі,-дейді мамандар. Педагогтердің айтуынша, жасөспірімнің қалыптасуы кезеңінде әлеуметтік ынтымақтастықты орнату, қоғаммен байланысты нығайтуға ерекше көңіл бөлу керек.

Аскелен Сатыбалдиев, прокуратура органдарының отставкадағы қызметкері:

Негізінде оқушылар 24 сағаттың 18 сағатын үйінде өткізеді. Сондықтан ата-аналардың жауапкершілігі мол. Балаларды тәрбиелеу жұмысына аса көңіл бөлу керек. Мұндай жастарға тәрбие жұмыстарын жүргізетін болсақ, ол оң жолға түсуі мүмкін. Ол үшін мектептерде өткізілетін құқықтық тәрбие сабақтарын жетілдіру қажет.

Айдана Қуантхан