Сенатор Сағындық Лұқпанов «Ералы» су торабының жұмысын көрді

Халықты таза ауыз сумен қамту басты назарда болуы тиіс. Атырау облысы Қызылқоға ауданындағы су тораптарының жұмысымен танысқан сенатор Сағындық Лұқпанов осылай дейді. Аудандағы «Ералы» су торабы – Ойыл өзені бойында көктемгі тасқын суды тиімді пайдаланып, реттеп, инженерлік жүйедегі лимандық жерлерді суландыру мақсатында 1976 жылы салынған. Су жіберу мүмкіндігі секундына 300 м3-ты құрайды. Сенат депутаты нысанның жаңғырту жұмыстарымен танысып, мердігер мекеме өкілдерімен кездесті. Бұдан соң тұрғындармен жүздесіп, онда ауыл шаруашылығын дамыту, аурухана есебінде тұрған азаматтарды тегін дәрі-дәрмекпен қамтамасыз ету секілді мәселелер сөз болды.

Нұрсұлтан Нұрсейіт