Президент Талғат Мұсабаевтың жақындарына көңіл айтты

Халық қаһарманы, мемлекет және қоғам қайраткері Талғат Мұсабаев өмірден өтті. Мемлекет басшысы Қасым-Жомарт Тоқаев әйгілі ұшқыш-ғарышкердің отбасы мен туған-туыстарына көңіл айтты. Талғат Амангелдіұлы үш мәрте ғарышты бағындырған, ашық космосқа шығып, айтулы ерлігімен еліміздің атын әлемге танытқан батыр тұлға еді. Отандық аэроғарыш саласын дамытуға бар күш-жігерін жұмсап, еселі еңбек етті. Сенат депутаты және қоғам қайраткері ретінде көптеген игі іске бастамашы болды. Кәсіби біліктілігімен, айналасына сыйлы азаматтық қалпымен халықтың құрметіне бөленген Талғат Амангелдіұлының жарқын бейнесі ұмытылмайды. Иманы саламат, жаны жәннатта болсын, – деп жазылған жеделхатта.

Оңғар Алпысбайұлы