Н. Құрбанов келесі Олимпиадаға қатысуға ниетті

Спорттық гимнастикадан Олимпиада ойындарының күміс жүлдегері Нариман Құрбанов жағымды жаңалығымен бөлісті. Парижде тарихи медальді жеңіп алған отандасымыз 2028 жылы Лос-Анджелесте өтетін Олимпиадаға қатысуға ниетті екенін мәлімдеді. Бұл туралы спортшы әлеуметтік желідегі парақшасына жазды. «Естеліктерге оралу әрқашан да жылы болады, бірақ осымен біз тоқтап қалмаймыз. 2028 жылы Лос-Анджелестегі Олимпиада ойындарының алтынына күресу үшін бар күшімді салып, еңбек ететін боламын»,-делінген жазбада. Естеріңізге сала кетейік, Нариман Құрбанов ат снарядындағы жаттығуда жүлделі болған еді.

Асылбек Данияр