Қазақ тазылары Финляндияға аттанды

Қазақ тазылары Финляндияда өтетін халықаралық көрмеге аттанды. Бүкіләлемдік World Dog Show байқауы Хельсинки қаласында 7 тамызда басталады. Көрмеде алғаш рет халықаралық деңгейде танылған тұқым ретінде «қазақ тазысының» ресми тұсаукесері өтеді. Тарихи сәт үшін Қазақстан кинологтар одағы іріктеу жасап, ел бойынша 8 қазақы ит тұқымын таңдап алған. Халықаралық көрме – кинология саласындағы ең беделді шара саналады.

Бауыржан Серікқали, Қазақстан кинологтар одағының президенті:

Әлем чемпионы, Финляндия чемпионы деген атаққа күреседі. Қазіргі біз алып бара жатқан иттеріміз түгелдей стандартқа сәйкес. Үздік иттерімізді алып бара жатырмыз. Екіншіден ЕуроОдақтың ветеринарлық қатаң талаптарына сәйкес болуы керек. Сондай талаптарға біздің иттер сәйкес.

Дархан Рахымжан