Павлодар облысында футбол қақпасы құлап, 5 жасар бала жарақат алды

Павлодардың іргесіндегі Заря ауылында футбол қақпасы бес жасар баланың үстіне құлады. Оның басы мен бет-аузы жарақаттанған. Қазір тиісті органдар оқиға орнында тексеру жүргізіп жатыр. Футбол алаңының конструкциясына жауапты мердігер шақырылды. Ал, жабық ми жарақатын алған жеткіншек облыстық ауруханаға жеткізілді.

Талғат Қасымбеков, облыстық балалар ауруханасының нейрохирургі:

Баланың түскен кездегі жағдайы орташа дәрежедегі ауырлықта. Бас жарақаты, бет, құйымшақтың соғылуы. Төменгі жағымен соғылуы диагнозымен түсті. Барлық диагностикалық шаралар жүргізіліп жатыр. Бүгін баланың жалпы жағдайы орташа дәрежедегі ауырлықта.

Болат Аманбаев