WBC Жәнібек пен Карлосқа келісімге келу үшін уақыт берді

Бүкіләлемдік бокс кеңесі Жәнібек Әлімханұлы мен Карлос Адаместің белбеу біріктіретін жекпе-жегін кейінге қалдыруға дайын. Дегенмен, ұйым президенті тараптарға келіссөз жүргізуге қосымша уақыт берілгенін мәлімдеді. Айтуынша, тараптар мәмілеге келіп, жақын күндері келісімшартқа қол қояды деген үміт бар. Егер бұл жоспар орындалмаса, Адамес тағы бір қазақстандық кәсіпқой боксшы – Мейірім Нұрсұлтановпен шаршы алаңға шығуы мүмкін. Ол WBC рейтингінде бірінші орында тұрған міндетті үміткер. Оның Адамеспен жекпе-жегі әуел баста 2023 жылы өтуі керек еді.

Асылбек Данияр