АПВ: Вакциналау контингенті кеңейтіледі

Мерзімді қызметтегі әскери қызметшілерге менингококк инфекциясына қарсы вакцина салынады. Бұл туралы Денсаулық сақтау министрлігі хабарлады. Себебі, бұл контингент инфекциялық аурумен сырқаттану бойынша жоғары қауіп тобына жатады. Сондай-ақ жүкті әйелдер эпидемиологиялық көрсеткіштер бойынша ерікті негізде көкжөтелге қарсы егілмек. Адам папилломасы вирусына қарсы вакциналау контингенті де кеңейтіледі. Бүгінде 11-13 жас аралығындағы 150 мыңға жуық қыз балаға алғаш рет АПВ-ға қарсы екпе салынды. 90 мыңға жуық жасөспірім екпенің екінші дозасын алды. Былтырғы қыркүйектен бастап 238,2 мың профилактикалық екпе жасалған. Енді 11 жастағы ұл балалар да егілмек.

Дархан Рақымжан