Қытайда су тасқынынан зардап шеккен аймақтарға 19 млн доллар бөлінбек

Ал Қытайдың 9 аймағында су тасқынынан зардап шеккен аймақтарды қалпына келтіруге 19 млн доллардан астам қаржы бөлінбек. Ел аумағында табиғи апат салдарымен күрес жалғасып жатыр. Оған 2 мыңнан астам әскери қызметкер жұмылдырылған. Елдің шығыс, солтүстік және солтүстік-шығыс бөліктерінде толассыз жаңбыр жауып, соңы су тасқынына ұласқан еді. Бейжіңде нөсер жауыннан 30 адам мерт болды. 80 мыңнан астам тұрғын қауіпсіз жерге көшірілді. Жаңбырдан жолдарды су басып, электр қуаты үзілді. Қаланың кей бөліктерінде 600 мм жауын-шашын жауған.

Арай Төлегенқызы