Жаңалықтарды Telegram арнамыздан оқыңыз!Қазақстанның бірінші ракеткасы - Елена Рыбакина Монреальдегі WTA 1000 турнирін сәтті бастады. Отандасымыз 1/32 финалда дүниежүзілік рейтингте 50-орында тұрған америкалық Хейли БапТистпен кездесті. Бұл қос теннисшінің өзара алғашқы матчы болатын. Бірінші сет тартысты өтті. Екі спортшы да 4 геймге дейін берілмеді. Яғни есеп 4:4 болған сәтте Елена брейк-жасап, алға шықты. Артынша, сет пойнтты да сәтті пайдаланды. Екінші партияда да жерлесіміздің бәсі жоғары болды. Кезекті брейк-пойнтты өз еншісіне жазды. Осылайша, кездесу 6:3 есебімен түйінделді. Бір сағат 12 минутқа созылған бәсекеде қазақстандық теннисші 11 эйспен көзге түсті. Енді Елена 1/8 финалға шығу үшін румыниялық Жаклин Кристианды жеңуі керек.
Асылбек Данияр
