Қ.Бишімбаевтың інісінің жаза мерзімі қысқарды

Бишімбаевтың інісі бостандыққа мерзімінен бұрын шығады. Степногор қалалық сотында 4 жылға сотталған Бақытжан Байжановтың амнистияға байланысты жазаны қысқарту туралы өтініші қаралды. Ол жазасын 2027 жылдың шілдесіне дейін өтеуі тиіс еді. Конституцияның 30 жылдығына байланысты рақымшылық заңына сай, сот оның мерзімін 8 ай 8 күнге қысқартты. Енді Байжанов келесі жылы бостандыққа шығады. Сот шешіміне түрме әкімшілігінің оң мінездемесі мен азаматтық талаптардың толық өтелуі әсер еткен. Прокурор да бұл жағдайды ескеріп, өтнішті қанағаттандыруды сұраған.

Динара Жарқынбек