Жаңалықтарды Telegram арнамыздан оқыңыз!Таиланд пен Камбоджа арасындағы қарулы қақтығыс үшінші күнге жалғасып жатыр. Екі жақтан 32 адам қаза тапқан. 200 мыңға жуық тұрғын үйлерін тастап, атыс болып жатқан аудандардан кетті. Екі жақ та қақтығыстың басталуына бірін-бірі айыптап отыр. Таиланд билігі Камбоджамен шектесетін 8 ауданда әскери жағдай жариялады. Қақтығыс соғысқа айналуы мүмкін деп мәлімдеді. Тараптар бір-біріне қарсы ауыр артиллерия қолдануға көшкен.
Ал Камбоджа халықаралық қауымдастықты Таиландтың басқыншылығын сынға алуға үндеді. Бұған қоса атысты дереу тоқтатуға шақырып, жағдайдың бейбіт түрде реттелуін қолдайтынын мәлімдеді. Екі ел арасындағы атыстың басталуына 1 ғасырдан астам уақыт бойы шешілмеген шекара мәселесі себепші.
Арай Төлегенқызы
