Жаңалықтарды Telegram арнамыздан оқыңыз!Елімізде жыл басынан бері экстремистік және араздық тудыратын сипаттағы 10 мыңнан аса материал анықталып, оның 3200-ге жуығы өшірілді. Дін істері комитеті осылай деп хабарлады. Сондай-ақ 2 мыңнан аса діни тақырыптағы материалдар зерттеліп, олардың 70 пайызы оң нәтиже көрсетсе, 20 пайызы діни мазмұнға жатпайтыны белгілі болды. Интернет кеңістігіндегі діни экстремизмге қарсы күрес – басты назарда. Биыл 17 мыңнан аса түрлі форматтағы ақпараттық материал әзірленіп, оның 2 500-і бұқаралық ақпарат құралдарында жарияланды. Аталмыш шаралар зайырлы құндылықтарды насихаттауға, дінаралық келісімді нығайтуға бағытталған.
Айдана Қуантхан
