Жаңалықтарды Telegram арнамыздан оқыңыз!Енді дәрігерлерге қол көтергендер 15 жылға дейін бас бостандығынан айырылуы мүмкін. Бұл туралы бүгін Үкіметте өткен брифингте Денсаулық сақтау министрі мәлімдеді. Ақмарал Әлназарованың айтуынша, ақ халаттыларға шабуыл жасағандар 2 жылдан 7 жылға дейін сотталады. Егер шабуыл төтенше жағдайда жасалса — 10 жылға дейін жаза қарастырылған. Ал бір емес, бірнеше рет медицина қызметкеріне күш қолданғандар 15 жылға дейін бас бостандығынан айырылуы мүмкін. Мұндай шешімге осындай оқиғалардың жиілеп кетуі себеп. Соңғы 5 жылда Қазақстанда 170-ке жуық дәрігер соққыға жығылған.
Ақмарал Әлназарова, ҚР Денсаулық сақтау министрі:
Қылмыстық кодекске жаңа бап енгізілгелі жатыр. Оған сәйкес дәрігерлерге шабуыл жасағандар 2 жылдан 15 жылға дейін сотталады. Бұл – қажет шара. Жаңа заң қыркүйекте Парламенттің қарауына ұсынылады.
Нұрсұлтан Тілектес
