Ел намысын 8 дзюдошы қорғайды

Осы аптада Моңғолия астанасы Ұлан-Батырда дзюдодан Grand Slam жарысы өтеді. Ұйымдастырушылардың хабарлауынша, Үлкен Дулыға турнирде 29 елден 247 балуан бақ сынайды. Қазақстан атынан бұл додаға 8 спортшы қатысады. Ерлерден: 60 келіге дейінгі салмақта Талғат Орынбасар мен Нұрәділ Әлжан, 66 келіде: Ержан Еренғайыпов, Бауыржан Нарбаев, 73 келіде: Саят Сейітқалиев, 81 келіде: Мейіржан Жұмабек, 90 келіде: Ермахан Әнуарбеков ел намысын қорғайды. Әйелдерден тек 52 келіге дейінгі салмақта Толғанай Әбеуова татамиге шығады. Жарыс 25-27 шілде аралығында өтеді.

Асылбек Данияр