Жаңалықтарды Telegram арнамыздан оқыңыз!Универсиадада таеквондошылар ерлеп жатыр. Бүгін 3 отандасымыз жарыс жолына шығып, оның біреуі ғана жартылай финалға жолдама алды. Яғни, бір медаль бар деген сөз. 63 келіге дейінгі салмақта Самирхон Абабакиров жартылай финалға жолдама алды. Жерлесіміз алдымен израильдік спортшыны жеңіп, артынша Сауд Арабиясы өкілінен басым түсті. Ширек финалда Канада өкілін айқын басымдықпен жеңді. Енді финалдың жолдамасы үшін Тунис спортшысымен жекпе-жекке шығады. Әйелдерден 73 келідегі Назым Махмұтова ширек финалда түрік қызынан жеңілді. Сондай-ақ, 53 келідегі Айдана Сүндетбай кореялық спортшыға жол берді. Бұдан бөлек, семсерлесуден қыздар құрамасы алғашқы кездесуінде жеңіліп қалды. 45:24 есебімен Италия құрамасына жол берді.
Асылбек Данияр
