Жаңалықтарды Telegram арнамыздан оқыңыз!Универсиада ойындары жалғасуда. Алғаш болып 100 метрге баттерфляй әдісімен жүзуде сынға түскен Ришат Жұмағұлов іріктеуден әрі аса алмады. 54.30 секунд уақыт көрсеткішімен 30-орыннан көрінді. 50 метрге брасс әдісімен жүзуде жарыс жолына шыққан Айбат Мырзамұратов пен Артур Миронов та жартылай финалға өте алмады. Семсерлесуден ерлер құрамасы француз спортшыларынан 45:42 есебімен жеңілді. Үстел теннисінен жұптық сында Айдос Кенжеғұлов пен Зәуреш Ақашева Сингапур спортшыларына жол берді. Каратэден: 74 келідегі Мақсат Орынбасар алғашқы кездесуінде Бразилия өкілінен жеңілді. Қыздардан 62 келіде Айша Әділбекқызы Непал спортшысын жеңіп, 1/8 финалда түрік қызынан жеңілді. Жарысты 1/8 финалдан бастаған 87 келіден жоғары салмақтағы Бейбарыс Қаблан тайпэй өкілінен басым түсті. Ширек финалда түркиялық спортшыны 2:0 есебімен жеңіп, жартылай финалға жолдама алды. Қарсылас Корея өкілі. Финалдың жолдамасы үшін жолатын жекпе-жеке кешкі 8:40-қа жоспарланған.
Асылбек Данияр
