Еліміздегі 1100 мектепте дрон басқару үйретіледі

Мектептерде дрон басқаруды үйрететін сабақтар өткізіледі. Бүгінге дейін 1100 мектепте 800 мыңға жуық оқушы осы дағдыны меңгерген. Дрон басқару әзірге оқу бағдарламасына бөлек пән ретінде енгізілмесе де, роботехника бағытына қосылған. Ұстаздар оған жоғары сынып оқушылары ерекше қызығушылық білдіріп жатыр, дейді. Әсіресе, «Келешек мектептерінде» кеңінен қолданылады.

Бекнұр Қойшыбай, информатика пәнінің мұғалімі:

Оқушымыз осы дрон бойынша жарысқа қатысып, Түркияға жолдама ұтып алған болатын. Сондай-ақ Астанада «Робозерде» секілді халықаралық олимпиадалар болды, сол жерде де түрлі категория бойынша оқушыларымыз қатысты.

Жанел Өтеулі