Жаңалықтарды Telegram арнамыздан оқыңыз!Ұлыбритания үкіметі 16-17 жастағы азаматтарға сайлауда дауыс беру құқығын беру туралы шешім қабылдады. Бұған дейін сайлаушылар дауыс беруге 18 жастан бастап қатысатын еді. Министрлер бұл қадам демократияны модернизациялауға және белсенділікті жоғарылатуға бағытталған деп мәлімдеді. Сайлау жүйесінің реформасы жүзеге асуы үшін парламенттің құптауы қажет. Дауыс беру жасын төмендету лейбористер партиясының сайлау алдында берген уәделерінің бірі болатын. Ресми мәліметтерге сай, Ұлыбританияда 16-17 жастағы 1,6 млн жасөспірім бар. Ал соңғы сайлауда 48 млн-нан астам адам дауыс берген. Бұл - 2001 жылдан бергі ең төменгі деңгей. Келесі парламент сайлауы 2029 жылы өтеді.
Арай Төлегенқызы
