Испанияда 3 мың гектар аумақты өрт шарпыды

Испания астанасы Мадридтен 50 шақырым жерде орман өрті қаулап жатыр. Жалын 3 мың гектар аумақты шарпыған. Мадрид аспанын қою түтін басқан. Билік тұрғындарға үйден шықпай, терезені ашпау қажеттігін ескертті.

Францияда да бір апта бұрын басталған орман өрті әлі сөндірілген жоқ. Онымен күреске 1 мың өрт сөндіруші тартылған. Бүгін жалын 600 гектарға жуық алқапты өртеді. 150-ден астам тұрғын қауіпсіз жерге көшірілген. Басқа күндерге қарағанда бүгін ыстық басылып, ауаның ылғалдығы жоғарылаған. Бұл өрт сөндірушілердің жұмысын жеңілдетіп отыр.

Арай Төлегенқызы