«Қайрат» чемпиондар лигасының келесі кезеңіне шықты

Алматылық «Қайрат» футбол клубы Чемпиондар лигасының алғашқы іріктеу кезеңінің қарымта ойынында Словенияның «Олимпиясын» ұтып, келесі кезеңге жолдама алды.

Ойын Алматыдағы Орталық стадионда өтті және жерлестеріміз 2:0 есебімен жеңіске жетті. Матчтың алғашқы минуттардан-ақ «Қайрат» қарқынды ойнап, 5-минутта Жоржиньо есеп ашты, ал 31-минутта сол Жоржиньоның пасынан кейін Александр Мрынский тағы бір гол соғып, командасының басымдығын күшейтті. Бұған дейін Люблянада өткен алғашқы кездесуде қос команда 1:1 есебімен тең ойнаған еді. Енді алматылықтар келесі айналымда Финляндияның КуПС немесе Молдованың «Милсами» командаларының біреуімен кездеседі.

Нұрсұлтан Тілектес