Сенат депутаты: Ғылым мен тәжірибе ұштасуы керек

Астрофизика, астрономия салаларындағы бұған дейін зерттелген ғылыми жұмыстарды тәжірибемен ұштастыру керек. Отандық ғалымдардың тың жобалары әлемдік деңгейде бәсекеге түсе алады. Алматыға жұмыс сапарымен келген сенаторлар осылай дейді. Олар астрофизика институтының мамандарымен, жетекші ғалымдармен жүздесіп, аталмыш саладағы өзекті мәселелерді ортаға салды. Сонымен қатар, Алматы обсерваториясындағы суперкомпьютердің жұмысымен танысты. Құрылғы астрономиялық бақылауды нақты модельдеп, климаттық, геофизикалық болжамдар жасайды, дейді мамандар. Кездесуде Сенат депутаты Ғалиасқар Сарыбаев, ғылыми жұмыстарға кадрларды көптеп тарту маңызды екенін атап өтті.

Ғалиасқар Сарыбаев, ҚР Парламенті Сенатының депутаты:

Аспан денелерін қарап, олардың қай бағытта жұмыс істеп жатқанын, біздің ауа райын болжауға ғылымның әлеуеті, кадрламыз бар. Дәл сол кадрларды өзімізде ұстап қалу, қайта даярлау, соларға әлеуметтік жағдайларды жасауды қарастыруымыз керек.

Айдана Қуантхан