Жаңалықтарды Telegram арнамыздан оқыңыз!Жасанды интеллект жөніндегі халықаралық кеңес құрылады. Бұл кеңес әлемдік деңгейдегі сарапшылармен диалог жүргізіп, пікір алмасатын стратегиялық алаңға айналмақ. Кеңестің алғашқы отырысы қазан айына жоспарланған. Бұл туралы Цифрлық даму, инновациялар және аэроғарыш өнеркәсібі министрлігінің өкілдері хабарлады.
Айта кету керек, бүгінде Қазақстанда IT саласында 20 өңірлік хаб бар. Оларда 1600-ден астам түрлі стартап тіркелген. Оның 10 пайыздан астымы жасанды интеллект бағытында жұмыс істейді.
Әлібек Сайланбаев, Цифрлық даму, инновациялар және аэроғарыш өнеркәсібі министрлігінің комитет төрағасының орынбасары:
Қазіргі таңда 15-ке жуық сарапшыны шақырдық. Олардың ішінен 10-12 адам келісіп, меморандумға қол қойды. Олардың арасында танымал сарапшылар, жасанды интеллект туралы кітаптар жазған авторлар, «Google» өкілдері, Жапонияның басты сарапшылары, өте танымал адамдар бар.
Нұрсұлтан Тілектес
