Янник Синнер алғаш рет Уимблдон турнирінің чемпионы атанды

Теннистен әлемнің бірінші ракеткасы, италиялық Янник Синнер, Уимблдон турнирінде жеңіске жетті. Италиялық спортшы финалда әлемнің 2-ракеткасы, өткен жылғы чемпион, испаниялық Карлос Алькараспен кездескен. Олар осыған дейін өзара 12 рет кездессе, соның сегізінде испаниялық теннисші жеңген еді. Бұл жолы бірінші партия Карлос Алькарастың еншісінде кетті. Бірақ осыдан кейін Янник Синнер камбэк жасап, жеңіске жете білді. Сөйтіп 23 жастағы италиялық теннисші «Үлкен дулыға» додаларындағы төртінші титулын алды.

Азамат Бейбітұлы