ШҚО-да 5 мың студент дуалды бағдарламамен оқиды

Шығыста соңғы 10 жылда дуалды бағдарламамен білім алып жатқан студенттер саны 5 есе артқан. Қазір 28 колледж өңірдегі 663 кәсіпорынмен келісім жасаған. Нәтижесінде 5 мың студент оқи жүріп өз мамандығы бойынша жұмыс істейді. Мұндағы ең басты тиімділік студент диплом алған соң жұмыссыз қалмайды. Дуалды оқытумен негізінен IT, машина жасау, ауыл шаруашылығы және металлургия саласы қамтылды. Білім берудің бұл моделі тиянақты болу үшін әрбір өндіріс орны корпоративтік орталық ашты. Ол орталықтарда мамандарды даярлауға қажет барлық құрал-жабдық пен құрылғы бар.

Әлима Ақылбек, облыстық Білім басқармасы басшысының орынбасары:

Дуалды оқыту кезінде оқушылардың практикадан өтіп жүрген кезеңі осы өздерінің еңбек өтіліне есептеледі. Ол да болашақта жұмысқа орналасқан кезде тиімділігін көрсетеді.

Олжас Керейхан