Жаңалықтарды Telegram арнамыздан оқыңыз!Түркістан облысының Сайрам ауданында 5 мың бас ірі қараны бордақылау алаңы іске қосылды. Жобалық құны – 8,5 млрд теңге. Комбинатта жылына 10 мың тонна ет өңделеді. Оған қажетті мал жергілікті фермерлік шаруа қожалықтарынан және солтүстік өңірден жеткізілмек. Жүзге тарта тұрғын тұрақты жұмыспен қамтылады. Замануи үлгіде салынған комбинатқа қажетті құрал-жабдықтар Беларусь, Қытай және Түркиядан алынған. Қалдықсыз өндіріс принципі бойынша жұмыс істейтін өндіріс орны ет экспортын дамытуға бағытталған. Яғни, қанды өңдеп, кәдеге жаратады. Одан арнайы өнімдер шығарады. Сонымен бірге малдың сүйегі де өңделеді.
Әбдірасул Сайданов, серіктестік басшысы:
Мемлекеттен 2,4 млрд теңге кредит алдық. Қалғаны өзімізден. 4,5 млрд теңге ақшамыз кетті. Негізгі мақсат – ет союды, ет экспорттау мен ет өткізуді жаңа деңгейге жеткізу. Заманауи түрде халыққа сойып, оған барлық нәрсені пайдалану.
Айнұр Ақбаева
