Жаңалықтарды Telegram арнамыздан оқыңыз!Алматыда тұрғындардың миллиондаған ақшасын алып, алаяқтық жасаған «Matic Basket» қаржы пирамидасының қызметі тоқтатылды. Бұл туралы Қаржылық мониторинг агенттігі хабарлады. Әккілер өзін «YouTube», «WhatsApp» және «Telegram» әлеуметтік желілері арқылы жарнамалап, адамдарды «Matic Basket» жобасына ақша салуға шақырған.
Олар криптовалюта биржасында майнинг пен трейдинг арқылы мол пайда тауып, табысқа кенелесіздер деп уәде еткен. Салымшылардың салған ақшасы 5 000 теңгеден 1 100 долларға дейін жеткен. Алайда салымшыларға ақша салғанын растайтын ешқандай құжат берілмеген, әрі олармен келісімшарт немесе ресми келісімдер жасалмаған.
Ернар Тайжан, ҚР Қаржылық мониторинг агенттігінің ресми өкілі:
Қаржы пирамидасына Қазақстан мен ТМД елдерінің 1900-ден астам азаматы тартылып, жалпы сомасы 80 млн теңгеден астам қаражат салынған. Күдіктіге қатысты бұлтартпау шарасы ретінде елден шығуға тыйым салынды. Тергеу амалдары жалғасуда.
Жазира Оразқызы
