Перизат Қайратқа қатысты негізгі сот отырысы басталды

Астанада Перизат Қайрат пен анасы Ғайни Алашбаеваға қатысты негізгі сот отырысы басталды. Прокурор екі айыпталушының актісін жеке-жеке оқып, 3,5 млрд теңгенің қайда жұмсалғанын толық баяндады. 7 пәтер, 3 көлік, саяхатқа жолдама, қымбат бұйымдар мен киім-кешектің нақты қашан сатып алынғанын айтты.

Бұдан бөлек, Перизат Қайраттың осыдан төрт жыл бұрын қорды құру кезінде де заңға қайшы әрекеттерге барғаны сөз болды. Яғни, құрылтайшы болуға келісім бермеген азаматтардың атынан қол қойып, жалған құжат жасатқан деп айыпталды. Бірақ Перизат Қайрат бұл деректермен келіспейтінін айтып, алдағы сот процестерінде дәлел ұсынатынын жеткізді. Сот процесі әлі жалғасып жатыр.

Жанел Өтеулі