Ганалық өнертапқыш пластик пакеттерден мектеп парталарын жасайды

Ганалық өнертапқыш Макафуи Авуку қаланы жайлаған қоқыспен күресе жүріп, мектептердегі парта-орындық тапшылығын шешуге атсалысып жүр. Ол жер-жерде шашылып жатқан пластик пакеттерден сәнді әрі мықты парталар мен орындықтар жасайды.

Айтуынша, қазір Ганада мыңдаған, бәлкім, миллиондаған бала әлі күнге дейін еденде отырып, сабақ оқып жүр. Сондықтан олардың кейбірінің денсаулығы нашарлап, бірқатарының білім алуға қызығушылығы жоғалып кеткен. Өнертапқыштың сөзінше, парталар пластиктен жасалатын болса, ағаштар оталмай, планетада оптималды температураны сақтауға болады. Сонымен қатар, Авукудың жаңа бастамасы қоршаған ортаның ластануын тежеп, әйелдер мен жастар үшін жұмыс орындарын ашуға септігін тигізіп отыр.

Арыстан Рысбек