Қазақстандық шахматшы қыздар сенсация жасады

Шахматтан әйелдер арасында Грузияда өтіп жатқан Әлем кубогында Меруерт Камалиденова айды аспаннан бір-ақ шығарды. Отандасымыз 1/32 финалда қазіргі чемпион ресейлік Александра Горячкинаны жеңді. Бұл туралы Астана қаласының әкімдігі хабарлады. Әлемнің 107 шахматшысы бақ сынап жатқан бәсекеде әр қатысушы қарсыласымен классикалық форматта 2 партия ойнап, өзара жеңімпазды анықтайды. Енді жерлесіміз ертең қара фигурада ойнап, Александраны тағы да жеңуге барын салмақ. Сондай-ақ 15 жастағы қазақстандық Эльназ Қалиахмет грузиндік халықаралық гроссмейстер Нино Бациашвилиді жарыс жолынан шығарып, суперсенсация жасады. Осылайша, Эльназ үшінші кезеңге сәтті өтті.

Асылбек Данияр