Жаңалықтарды Telegram арнамыздан оқыңыз!АҚШ-тың Калифорния штатының Камарилло қаласында жүргізілген рейдтер мигранттардың құқығын қорғаушылардың наразылығын тудырды. Ашынған белсенділер демонстрацияға шығып, федералдық агенттермен қақтығысқан. Мұндай оқиға Санта-Барбара қаласында да болған. Тәртіп сақшылары мен ұлттық гвардия жауынгерлері рейдті фермаларда, соның ішінде марихуана өсіретін алқаптарда жүргізіп, жүзден астам адамды ұстады. Құрама Штаттар үкіметінің дерегінше, ауыл шаруашылығына тартылған жұмысшылардың жартысына жуығы елде заңсыз жүр. Сондықтан олар АҚШ аумағынан шығарылуы керек. Алайда фермерлердің сөзінше, мигранттар жаппай депортацияланатын болса, астық жиналмай, нарыққа өнім жеткізу қиындап кетуі мүмкін.
Арыстан Рысбек
