Зияткерлік меншік құқығын қорғайтын цифрлық платформа іске қосылады

Авторлық сыйақыны төлеу жүйесі мен мүліктік құқықтарды басқарушы ұйым қызметінің ашықтығына және әділдігіне байланысты шағымдар түсіп жатыр. Осылай деген Әділет министрлігінің өкілдері елімізде жуырда зияткерлік меншік құқығын қорғайтын цифрлық платформа іске қосылатынын хабарлады. Өйткені авторлар мен композиторлардың туындылары телевизия, радио саласында және түрлі концерттер мен іс-шараларда белсенді қолданылғанымен авторлық сияқы төленбей қалатынын айтып, арызданған. Жаңа платформа осы мәселелерді шешуге көмектеспек.

Талғат Уәли, Әділет министрлігінің ресми өкілі:

Осы платформа іске қосылғаннан кейін тараптар өз кабинетіне кіру арқылы барлық өнер туындыларының қаншалықты, қай жерде орындалып жатқандығын, қандай төлем тиесілі екенін және жылдың соңында қанша қаражат алатындығын онлайн режимде бақылап, көріп отырады.

Нұрсұлтан Тілектес