Жаңалықтарды Telegram арнамыздан оқыңыз!Қазақстан мұсылмандары діни басқармасының төрағасы, Бас мүфти Наурызбай қажы Тағанұлы қайырымды ісі мен имандылықтың жарқын үлгісін көрсеткен Павлодардағы 94 жастағы қарияға алғысын білдіріп, қажылық сапарына жолдама сыйлады. Мүфтият атынан берілген аманатты Павлодар облысының бас имамы Жолдас Қоспақұлы ақсақалға арнайы барып тапсырды. Естеріңізге сала кетейік, Сағадат Жұмабаев 13 жылдан бері Павлодар қаласындағы қарттар үйінде тұрады. Туыс-туғаны жоқ. Кеше ол өзінің қажылыққа деп жинаған қаржысын сырқат баласы бар аналарға таратып берген еді. Қария 3 600 000 теңгені 30 анаға бөліп, әрқайсысына 120 000 теңгеден үлестірді.
Болат Аманбаев
