Жаңалықтарды Telegram арнамыздан оқыңыз!Мемлекет басшысы Қасым-Жомарт Тоқаев Alemcloud Ұлттық суперкомпьютер орталығына барып, жаңа суперкомпьютерді іске қосты. Жүйені Цифрлық даму министрлігі шетелдік серіктестермен бірлесіп орнатты.
Жаңа суперкомпьютер өте жылдам жұмыс істейді. Ол бір секундта миллиард есеп шығара алады. Бұл – Орталық Азиядағы ең қуатты суперкомпьютер саналады. Әдетте мұндай техника түрін ғарышты зерттеу, жасанды интеллектіні дамыту сияқты жұмыстарда қолданады. Жаңа жүйені нейрожелімен айналысатын стартаптар, университеттер мен ғылыми орталықтар, сондай-ақ мемлекеттік мекемелер мен жеке компаниялар пайдалана алады.
Жаслан Мәдиев, ҚР Цифрлық даму, инновациялар және аэроғарыш өнеркәсібі министрі:
Стартаптар мен ғылыми жобаларға есептеу қуатын жеңілдетілген шарттармен пайдалануды ұсынамыз. Яғни стартаптар, мемлекеттік органдар үшін тегін болады. Тәжірибелі отандық IT компаниялар 50 пайыздық жеңілдікпен, ал шетелдік тұтынушылар нарықтық бағамен қолдана алады.
Сондай-ақ Мемлекет басшысы отандық жасанды интеллект жобаларымен танысты. Оның ішінде қаладағы өмір сүру сапасын жақсартуды көздейтін SmartCity Astanа, азаматтардың тұрғын үйге сұраныстарын онлайн түрде шешуге арналған Baspana Hub секілді цифрлық экожүйелер бар.
Елдос Есенбол
