Жаңалықтарды Telegram арнамыздан оқыңыз!Ақтауда зейнет жасындағы тұрғындарға кибералаяқтардан сақтанудың жолдары түсіндірілуде. Танымдық шараны облыстық Цифрлық технологиялар басқармасы мен «Маңғыстау хаб» аймақтық хабының мамандары өткізіп жатыр. Мақсат – зейнет жасындағы адамдардың цифрлық сауаттылығын арттырып, жеке деректерін сақтауды үйрету. Өйткені статистикалық мәліметтер бойынша, 60 жастан асқан тұрғындар кибер алаяқтыққа жиі тап болады. Семинарға 20 шақты тұрғын қатысып, интернет-алаяқтардың арбауына түспеудің жолдарын тегін үйренді.
Дағыстан Сарбөпеев, қала тұрғыны:
Түрлі-түрлі ақпарат, мысалы адам түрін өзгертеді, дауысты өзгертеді. Олар адамды алдауды 100 пайызға біліп тұрады. Соның бәрінен сақ болу керектігін ескертіп жатыр. Енді телефонды көтергенде де сақ болатын болдық.
Әйгерім Мажтай, «Mangystau Hub» аймақтық хабының басшысы:
Жалпы бұл семинардан алған білімді адамдар жеке деректерін сақтау мақсатында, жеке өмірінде қауіпсіздік мақсатында қолдана алады және бұл кибералаяқтықтың алдын алуға көмектеседі. Сұранысқа байланысты екі аптада бір рет немесе аптасына бір рет өткізу жоспарда бар.
Аягөз Оралбайқызы
