Жаңалықтарды Telegram арнамыздан оқыңыз!Павлодарда 60-тан астам тұрғын қаржы пирамидасына алданған. Олардың саны әлі көбеюі мүмкін. Тұрғындардың қолды қылған ақшасы 80 млн теңгеге жуықтаған. Экономикалық тергеп-тексеру департаментінің мәліметіне қарағанда пирамидаға қаржы салғандарға ай сайын пайыздық үстеме және әр жаңа адамды әкеп тіркегені үшін 10 пайыз бонус берілген.
Ғалиасқар Қасымов, облыстық Экономикалық тергеп -тексеру департаменті бастығының орынбасары:
Инновациялық технологияны дамытуға арналған жарнамалық фирмаға ақша салғызған. Ол үшін арнайы сайт ашып, салымшылар өздері құйған қаржының қаншалықты өсіп отырғандығына онлайн бақылау жасап отырған. Бірақ есеп-шотта көк тиын қаржы болмаған. Бірден қолма-қол ақшаға айналдырып, қалтаға салған. Ұйымдастырған екі адам ұсталды.
Болат Аманбай
