Елімізде әлеуметтік маңызы бар тауарлардың бағасы төмендеді

Үкімет коммуналдық қызмет тарифтерін көтеруді кейінге қалдырды. Бұл инфляция өскен сайын бағаның шарықтап кетпеуі үшін жасалып отыр. Әлеуметтік маңызы бар тауарлар да назардан тыс қалмайды. Екі ай бұрын азық-түлік шамамен 1,5 пайызға қымбаттаса, мониторинг жұмыстарынан кейін бірден 0,5 пайызға азайды. Үкіметтің есебінше, әсіресе, картоп, сәбіз арзандай бастаған. Енді күріш, жұмыртқа, ұнның да қаншадан сатылып жатқаны қадағаланады. Азық-түліктің арзандауына отандық өндірістің өркендеуі әсер етіп отыр. Жарты жылда кәсіпкерлер 64 тонна қант, 1 жарым миллион тоннадай ұн сатқан.

Жанел Өтеулі