Е.Сметов келесі олимпиадаға қатысуға ниетті

Дзюдодан Париж Олимпиадасының чемпионы Елдос Сметов 2028 жылғы Олимпиада ойындарына қатысуға ниетті. Бұл туралы спортшы Халықаралық дзюдо федерациясына берген сұхбатында айтты. Қазір Елдос денсаулығына көңіл бөліп, оңалтудан өтіп жатыр. Бұған дейін, оның бапкері Ғалымжан Жылгелдиев татамиге 2026 жылдың басында оралатынын айтқан.

Еске сала кетейік, Елдос Сметов 2024 жылы Франция астанасында өткен төрт жылдықтың басты додасына қатысып, финалда жарыс қожайыны, франциялық Лука Мхидзені жеңген еді.

Асылбек Данияр