Жаңалықтарды Telegram арнамыздан оқыңыз!Енді әскердегілерге, әскери қызметтегілерге банктер мен микрокаржылық ұйымдардан несие алуға тыйым салынуы мүмкін. Егер қаржы ұйымы оның Отан алдындағы борышын өтеп жүргенін біле тұра несие рәсімдесе, борышкер қайтармауға құқылы. Мұндай ереже Қаржы нарығын реттеу және дамыту агенттігінің жаңа қаулысында бекітілген. Жобаға сәйкес, Қорғаныс министрлігі несиелік бюроларға мерзімді әскери қызмет өткеріп жатқан азаматтар туралы мәлімет береді. Қызметі аяқталғаннан кейін тізімнен өшіріледі. Бүгінде әскерге 40 мың адам шақырылған. Оның ішінде 22 мың сарбаздың бұрын алған несиесі бар.
Бэлла Чиканова, Қаржы нарығын реттеу және дамыту агенттігі департаментінің бөлім басшысы:
Егер банк несие беріп қоятын болса, онда ол несиені есептен шығару қажет. Сондай-ақ, кредиттік тарихын да түзетіп, тазалатып қоюы қажет. Әскери қызмет атқарып жүрген азаматтардың алдында алған кредиті бар болса, солар бойынша каникул беріледі. Барлық 12 айға. Қаржылық жағдайын реттеп алғанша тағы 2 ай беріледі оған, борышын ақтағаннан кейін.
Ақниет Балтанова
