Жаңалықтарды Telegram арнамыздан оқыңыз!Газа секторында Израильдің шабуылдарынан 69 адам қаза тапты. Мұны осы палестиналық сектордың денсаулық сақтау министрлігі хабарлады. Снарядтардың бірі босқындар орналасқан мектепке тиіп, 15 адамды мерт қылған. Сонымен қатар Израиль әуе күштері гуманитарлық көмек алу үшін кезекте тұрған көпшілікке соққы бергенде 38 палестиналық жан тәсілім еткен. Алайда Израиль армиясы бұл мәліметті жоққа шығарып отыр.
Айта кетсек, Газада Израиль-Хамас соғысы 2023 жылы қазанның 7-де еврей мемлекетінің оңтүстігінде 1200 адам өлтірілгеннен кейін басталды. Содан бері Израиль армиясының шабуылдарынан Газада 56 мыңнан астам адам құрбан болған.
Арыстан Рысбек
