Жаңалықтарды Telegram арнамыздан оқыңыз!Қазір елде 160 мыңнан астам мүмкіндігі шектеулі бала бар. Оның шамамен 23 пайызы ғана инклюзивті білім беру жүйесіне тартылған. Әлеуметтанушылардың айтуынша, бұл көрсеткіш жыл сайын жүйелі түрде артып келеді. Себебі, маргинализацияның алдын алу - қоғамның әлсіз топтарын білім мен еңбекке тең қолжетімділікпен қамтамасыз етуден басталады дейді. Бүгінде мектеп, балабақша, колледждер мен жоғары оқу орындарында инклюзивті білім беру үшін жағдай жасалуда. «Жастар тәжірибесі», «Бастау Бизнес», «Жас маман» сияқты бағдарламалар арқылы мыңдаған жас тұрақты табыс тауып, еңбек нарығына бейімделуде.
Жұлдыз Сембина, әлеуметтанушы:
Қазақстандық қоғамда маргиналданудың алдын алудың кешенді іс-шарасы жүргізіліп жатыр. Жекелеп айтқанда олардың бірнеше тетіктері бар. Бірінші, әлеуметтік саяси тетіктер. Бұл жерде әлеуметтік көмек бағдарламаларын жатқыза аламыз. Білім беру арқылы жастар арасында тең мүмкіндіктерді жасауды жүзеге асыра аламыз. Біздің елімізде ешқандай дискриминацияға жол берілмейді.
Динара Жарқынбек
