Астанада 4800 самокат және 3000 мопед жүргізушісі жазаға тартылды

Жыл басынан бері бас қалада жол ережесін бұзған 4800 электросамокат жүргізушісі жазаға тартылды. Сондай-ақ 3000 адамның мопедті заңсыз жүргізгені анықталды. Қалалық Полиция департаментінің дерегінше, кейінгі кезде мұндай жағдайлар жиілеп кеткен. Осыған орай тексеріс күшейтілмек. Тек Алматыда бірнеше айдың өзінде 4 мыңға жуық мопед жүргізушісі әкімшілік жауапкершілікке тартылды. 1500-ге жуық мопед айыппұл тұрағына қойылды. Ал өткен аптада ғана жалған тіркеу туралы куәлік жасатқан бірнеше адам ұсталды.

Жанел Өтеулі