«Таза Қазақстан» акциясының аясында 400 экологиялық іс-шара ұйымдастырылды

Елімізде «Таза Қазақстан» акциясы аясында тазалық шаралары үздіксіз жүргізіліп келеді. Биыл 400 экологиялық іс-шара ұйымдастырылған. Көше, жол бойындағы сенбіліктермен қатар, өзен-көлдердің жағасы тазартылды. Белсенділер бірнеше айда 21 бұлақтың маңын мұнтаздай етіп жинады. Жалпы, акция басталғалы 6 миллионға жуық азамат 1 млн тоннадан астам қоқыс және 3 млн түп ағаш отырғызды. Мақсат – тек айналаны емес, сананы тазарту, экологиялық мәдениетті қоғамның күнделікті дағдысына айналдыру.

Елнұр Бейсенбаев, ҚР Парламенті Мәжілісінің депутаты:

Қазір ағаш егу, бірге жұмылып дала тазалау сияқты үрдісті  қалыптастырдық. Енді сана тазалығы. Заң қабылдаудағы әділеттілік принциптерінің сақталуы - осының барлығы «Таза Қазақстан» құру идеологемасына кіреді.

Асхат Аймағамбетов, ҚР Парламенті Мәжілісінің депутаты:

Ол біздің рухани жаңғыруымыз. «Таза Қазақстан» Мемлекет басшысының басқа да принциптерімен тығыз байданысты. «Заң мен тәртіп», «Адал азамат» барлығы бір-біріне өте жақын.

Жанел Өтеулі