Қостанайлық тәрбиешілер ерекше балаларды ұрып-соққан

Қостанайда жекеменшік дамыту орталығының қызметкерлері ерекше күтімді қажет ететін балаларды ұрып-соққан. Оқиға бейнебақылау жазбалары жарияланғаннан кейін белгілі болды. Бұл жағдай туралы ата-аналар құзырлы орындарға шағымданған. Полиция департаменті осы дерек бойынша іс қозғады.

Әлішер Көшекбаев, Қостанай облысы ПД АБ анықтаушысы полиция капитаны:

Полиция кәмелетке толмаған баланы тәрбиелеу жөніндегі міндеттерді тиісінше орындамау фактісі бойынша заңнамаға сәйкес қылмыстық құқықбұзушылық белгілері бойынша сотқа дейінгі тергеп-тексеру бастады. Тиісті сараптамалар тағайындалды, оқиғаға қатысушылардың әрекеттеріне құқықтық баға беріледі. Білім басқармасына құзыреті шебінде шаралар қабылдау үшін тиісті хабарлама жолданды.

Мәдина Нағашыбай