Елімізде келесі жылы зейнетақы мен жәрдемақы өседі

2026 жылдың 1 қаңтарынан зейнетақы мен жалақы өседі. Бұл туралы бүгін Парламентте Еңбек және халықты әлеуметтік қорғау министрі айтты. Светлана Жақыпованың айтуынша, 2026 жылғы бюджетте әлеуметтік төлемдерді арттыруға 622 млрд теңгеден астам қаржы қарастырылған. Инфляция деңгейіне байланысты өсім 10 пайызға дейін жетеді деген болжам бар. Сондай-ақ елдегі ең төменгі жалақы өседі. Бүгінде арнайы институттар өңірлер мен салалар бойынша еңбек өнімділігі мен медиандық еңбекақы және инфляция деңгейіне қатысты нақты көрсеткіштерді есептеп, зерттеп жатыр. Айта кетейік, бүгінде Қазақстанда ең төменгі еңбекақы 85 мың теңге.

Светлана Жақыпова, ҚР Еңбек және халықты әлеуметтік қорғау министрі:

Зейнетақы төлемдері өседі, яғни ынтымақ әрі базалық зейнетақы, сондай-ақ мүгедектігі бар адамдарға арналған төлемдер, асыраушысынан айырылу бойынша жәрдемақы сомасы артады. Ең төменгі жалақы да өседі. Қанша пайызға екені жылдың соңына дейін белгілі болады.

Нұрсұлтан Тілектес